Türkiyənin "Fənərbaxça” klubu heyətini gücləndirmək əzmindədir. Bunun üçün İstanbul klubu ilk növbədə "Ayaks”ın uruqvaylı hücumçusu Luis Suaresi Türkiyəyə gətirmək fikrindədir.

"Fənərbaxça”nın rəsmi saytında yer alan məlumata görə, klubun idman direktoru Suaresin agenti ilə danışıqlara başlamaq üçün yaxın günlərdə Hollandiyaya yollanacaq. "Ayaks”ın 2007-08 mövsümündə "Qroningen”dən 7,5 milyon avroya aldığı Suaresin qiymətinin hazırda 18-20 milyon avro olduğu bildirilir.

Xatırladaq ki, Luis Suares "Ayaks”ın heyətində 2007-ci ildən "Qroningen” klubundan cəlb olunmuşdu. Amsterdam klubunun heyətində 97 oyunda meydana çıxan Luis Suares 74 qola imza ataraq çox yüksək məhsuldarlıq nümayiş etdirib