Şəhidlik zirvəsi
Bu idi arzusu, mübarizəsi,
Böyük arzusuna çatdı Mübariz.
Bir arzu uğrunda ürəyindəki,
Bütün arzuları atdı Mübariz.
Əzəldən şəhidlik oldu həvəsi,
Sevgiylə tükəndi ən son nəfəsi.
Peyğəmbər övladı, seyid nəvəsi,
Kafiri kafirə qatdı Mübariz.
Özünə əbədi həyat toxudu,
Bilirdi bu dünya şirin yuxudu.
Sonadək şeytana lənət oxudu,
Allah ətəyini tutdu Mübariz.
Doğma vətəni idi eşqi, ilhamı,
Ona bəyənildi şəhid məqamı.
Yetişdi ruhuna Allah salamı,
Ən uca məqama yetdi Mübariz.
İbadət sağında, cihad solunda,
İlahi bəxş edən qüvvət qolunda,
Canın fəda etdi haqqın yolunda,
Kafirlərlə cihad etdi Mübariz.
Yaşar istəklərdə, gərəklərdə o,
Qalacaq arzuda, diləklərdə o,
Əbədi qalacaq ürəklərdə o,
Elə bilməyin ki, getdi mübariz.
Ən uca arzusu şəhidlik idi,
Ən uca arzuya yetdi Mübariz.
Yazdı:Tofiq Həsənli
|