Ölkədə "Staxibag" adlı kompüter virusu yayılmaqdadır.


Bir müddət əvvəl Yaxın Şərq və Mərkəzi Asiya ölkələrində onminlərlə kompüteri sıradan çıxaran, sənaye müəssisələri və terminalların işini dayandıran "Stuxnet" virusunun törəməsi sayılan "Staxibag" Orta Asiya və Cənubi Qafqaz ölkələrinə istiqamətlənib.Dünən səhər Bakıdakı onlarla kompüteri "yoluxduran" virusu ABŞ-ın "BitDefender" və "Norton Securities" kompüter təhlükəsizliyi şirkətləri təhlükəli sayırlar."Staxibag"ın fəaliyyət alqoritmi virusun yerləşdiyi kompüterdəki bütün elektron poçt ünvanları, parollar və məxfi saxlanan mətn fayllarını kompüter istifadəçisinin xəbəri olmadan İnternet vasitəsilə virusu yayan mərkəzə yollamağa hesablanıb.Sonradan həmin parollardan istifadə edilir, virusa yoluxmuş kompüter sahibinin elektron poçt ünvanı dağıdılır, konfidensial məlumatları oğurlanır. Ən başlıcası isə budur ki, həmin şəxs bank kartı sahibidirsə və İnternetdə alış-veriş edibsə, onun hesabındakı pulların hamısı "yoxa çıxır"."Staxibag"ın daha bir yönü onun yoluxduğu kompüterdən minlərlə ünvana spam, reklam və "Nigeriya məktubları" göndərməsidir.Kompüter mütəxəssislərinin "Nigeriya məktubları" adlandırdıqları fırıldağın əsası Nigeriyada qoyulub. Belə məktublarda guya milyonlarla dollarlıq bank hesabından pulu çıxara bilməyən adam üzləşdiyi çətinliklərdə hakimiyyət dairələrinin xüsusi rolu olduğunu vurğulayır, yardım müqabilində potensial "qurban"a milyonlar vəd edir. Daha konkret olsaq, fırıldağa şirnikləndirilən şəxsə həmin pulları öz hesabına köçürmək təklif olunur.Belə absurd təklifə inananlar, tamahına güc gələ bilməyənlər isə fırıldaqçıların "xırda rəsmiyyət işlərinə görə kiçik məbləğli xərclər" adıyla istədikləri $100-1000 aralığındakı pul köçürməsi edir, milyonları gözləyir.Təbii ki, pul köçürüləndən sonra fırıldaqçılar da yoxa çıxır, "milyonlarını" gözləyən adamın məktublarına cavab vermirlər.