"Windows 7” əməliyyat sisteminin satış həcmi 240 milyon nüsxəyə çatıb.
"Windows 7” əməliyyat sistemləri satışa çıxarıldığı birinci ildə müvafiq satış göstəriciləri üzrə rekorda imza atıb. Analitik şirkətlərdən birinin məlumatına görə, dünya bazarının 17 faizi məhz bu əməliyyat sisteminin payına düşür. "Windows 7” dünyada satılan bütün yeni kompüterlərin 93 faizində quraşdırılır. Xatırladaq ki, "Windows 7” 21 oktyabr 2009-cu il tarixində satışa çıxarılıb. Həmin gün "Microsoft” korporasiyasının icraçı direktoru "Windows Vista”nın əvəzinə gələcək yeni əməliyyat sistemini rəsmi olaraq təqdim edib. İyul ayında "yeddi” öz sələfini populyarlığa görə geridə qoya bilib. Bu zaman onun bazardakı payı 14,5 faiz olub. Bununla belə, hazırda dünyada ən populyar əməliyyat sistemi bazarın 60 faizinə nəzarət edən "Windows XP”dir.
| 
Ş, 27.04.2024,
