Övladını atıb gedən valideynin günahı nə qədərdir? Allah onu bağışlayarmı?

Övladı atmaq böyük günahlardandır. Qurana görə, kafir və münafiqlər (ikiüzlülər) bagışlanmayan şəxslərdir. Onlardan savayı kimlərin bağışlanıb-bağışlanmayacaqları Allahın istək və iradəsindən asılıdır.

Tarix kitablarında Peyğəmbərimizin (s.ə.s) həyatı ilə bağlı göstərilən illər doğrudurmu?

Bəli, tarix kitablarında Peyğəmbərin (s.ə.s) həyatı barədə qeyd olunan tarixlər bir qədər fərqlidir, lakin sizə mötəbər kitabları mütaliə etməyi tövsiyə edirik.

Zəkatı necə vermək olar?

9 şeyin zəkatı verilir. 3 heyvana (dəvə, inək və qoyun), 4 bitkiyə (arpa, buğda, kişmiş və xurma) və iki metala (qızıl və gümüş). Onların hər birinin zəkatı özünəməxsus miqdara çatdıqdan sonra verilir. Bu barədə şəriət kitablarında ətraflı məlumat verilir.

Eyni vaxtda iki qüsl almaq olar?

Bəli, eyni vaxtda iki qüslün niyyətini edib almaq olar.

Dinimizdə ətirlə bağlı məhdudiyyət qoyulub?

Ətir vurmaq müstəhəb (bəyənilən) əməllərdəndir. Sadəcə olaraq, çalışın həddən artıq cəlbedici ətirlərdən istifadə edərək başqalarının diqqətiini özünüzə cəlb etməyəsiniz.